పుట:రసాభరణము.pdf/49

⁠

వాసవసజ్జిక—

⁠

క.⁠

హరిరాకకు నిచ్చలు మం దిర మొప్ప నలంకరించు దేహమునం గ స్తురి సురతరుకుసుమంబులు సిరసునఁ దగ సత్యభామ చెలువగుచుండున్.

⁠

క.⁠

విరహోత్కంఠిత యనునది వరునితడవు సైఁపలేక వగనొందు నధీ శ్వరుఁ డిక్కకు రాకుండిన భరపడునది విప్రలంభ భావజుచేతన్.

⁠

⁠

విరహోత్కంఠిత—

⁠

క.⁠

మంద కడుదూర మాగో విందుఁడు రాఁడేల యనుచు విరహాతురతం బొంది యొకగోపకామిని చందురుఁ బ్రార్థించుఁ బ్రాణసఖులం దలఁచున్.

⁠

⁠

విప్రలబ్ధ—

⁠

క.⁠

సంకేతస్థలమునకుం బంకజదృశుఁ డేలరాఁడు భయభీతుల నే వంకఁ గరుణింపఁబోయెనో యింకేమన నన్నుఁ దలఁపఁడే మదనార్తన్.

⁠

క.⁠

ఇతర దెస రాత్రి రతిచి హ్నితుఁడగుపతి ఱేపుగని సహింపనియది ఖం డితయగుఁ గలహాంతరి తన పతి నవమానించి పిదపఁ బరితప్త యగున్.

⁠

⁠

ఖండిత—

⁠

క.⁠

మనసిజశరహత మగు నా మనసది నీ కెఱుఁగరాదు మాధవ యీరే నను సోఁకిన మదనాయుధ తనువ్రణముల నిపుడె చూపెఁ దాపము చాలన్.

⁠

⁠

కలహాంతరిత—

⁠

క.⁠

కోపించి జనార్దను నే లా పల్కితి నపుడు వీనులకు నహితముగా నోపడఁతి యిపుడు మదనుని కోపము సైరింప నాకు గోచర మగునే.

⁠

క.⁠

ఒకదేశమునకుఁ దననా యకుఁ డేగినఁ జిన్నవోవునది ప్రోషితభ ర్తృక నిలుపోపక ప్రియనొ ద్దకుఁ జను నభిసారికాభిధాన తలంపన్.

⁠

⁠

ప్రోషితభర్తృక—

⁠

క.⁠

మధురకు నేగెం జెలియా మధుమర్దనుఁ డింక నేఁడు మగుడుట యెపుడో మధుమాసకీరకోకిల మధుకరతతు లేపురేఁగి మదనుని గూడెన్.

⁠

⁠

అభిసారిక—

⁠

క.⁠

అందెలు దొడిగితి నీవు ము కుందునియున్నెడకు నరుగఁగోరి లతాంగీ పొం దెఱుఁగవే కదా నీ కుం దెరువున నివియ తోడికొండీలు సుమీ.

⁠