పుట:రసాభరణము.pdf/36

ఉ.⁠

మానమ యూఁది నే నతని మానితిఁ బొమ్మని పాసియున్నచోఁ దానును మోసపుచ్చి సతతంబును గృష్ణునితోడి గోష్ఠికి న్మానస మేల పోవు తుది నన్నును బాదుగదల్చునో కదా వానిచలంబె చెల్లు నని వందుఁ దలోదరి సంశయంబునన్.

⁠

వ.⁠

మఱి ద్వాదశావస్థ లెట్టి వనిన:

⁠

క.⁠

అరయఁగ శృంగారం బం కురితము మఱి పల్లవితము కుసుమిత మనఁగాఁ బరువడి ఫలితంబునునై పరఁగు నవస్థాంతరములు పండ్రెం డగుచున్.

⁠

వ.⁠

కొందఱమతంబున దశావస్థ లనియుం జెల్లు నది యట్లుండెఁ గామశాస్త్రా నుసారంబు లగుద్వాదశావస్థ లెట్టి వనిన చక్షుఃప్రీతి, మనఃసంగంబు, సం కల్పంబు, ప్రలాపిత, జాగరంబు, కార్శ్యంబు, అరతి, లజ్జాత్యాగంబు, సం జ్వరము, ఉన్మాదంబు, మూర్ఛనంబు, చరమంబు నాఁ బరగు వీనిలక్షణం బున కుదాహరణంబులు.

⁠

.........

క.⁠

ప్రియు నాదరమునఁ జూచుట నయనప్రీతియగు మఱి మనఃసంగ మగుం బ్రియుదెసఁ జిత్తమిడుట; ని శ్చయముగఁ బ్రియువలని కోర్కి సంకల్పమగున్.

⁠

⁠

చక్షుఃప్రీతి కుదాహరణము—

⁠

చ.⁠

విమలకపోలభాగముల వెన్నెలనిగ్గులలీల మందహా సములు నటింపఁ గన్గొనలచాయఁ దటిల్లత లంకురింప దే హము హరినీలరత్ననివహద్యుతితోఁ దులఁదూఁగ సర్వలో కము నలరించుశౌరిఁ బొడగంటి సఖీ ధ్రువపట్టణాధిపున్.

⁠

⁠

మనస్సంగతి కుదాహరణము—

⁠

చ.⁠

భ్రమరము కమ్మదేనియలు పాయలు గ్రోలుచుఁ దత్ప్రసూనగు చ్ఛములఁ బ్రసక్తమై వెలయుచాడ్పున నాహృదయంబు చూచితే కమలదళాక్షి యాదవశిఖామణిభవ్యగుణామృతప్రవా హముననె యోలలాడుచు నొకప్పుడు నన్నుఁ దలంప దేమియున్.

⁠

⁠

సంకల్పమున కుదాహరణము—

⁠

ఉ.⁠

త్రిప్పులఁ బెట్టి నన్నిటు రతిప్రియుబారికిఁ ద్రోచి నెమ్మదిం గొప్పునఁ గమ్మక్రొవ్విరులకు న్మధుపంబులు సందడింపఁగా నొప్పులకుప్పయై ధ్రువపురోజ్జ్వలవీథులఁ గ్రాలుశౌరి నే నెప్పుడు చూతునొక్కొ మెఱుఁగెక్కిచూపులు చౌకళింపఁగన్.

⁠

...........