పుట:రసాభరణము.pdf/27

క.⁠

ఖ్యాతసుఖాదులవలనఁ బ్ర జాతం బగురోమవితతి సరభసముగఁ బ్ర ద్యోతించిన నది విద్యా [1]న్వీతులు రోమాంచ మని గణింతురు ప్రీతిన్.

⁠

క⁠

.శ్రమరతిఘర్మాదులచే విమలశరీరములయందు విస్ఫుట మగు న చ్చెమటకు నభిదానము స్వే దముగాఁ బల్కుదురు సమ్మదమున నభిజ్ఞుల్.

⁠

⁠

రోమాంచస్వేదంబుల కుదాహరణము—

⁠

క.⁠

మనసున హరి నాలింగన మొనరింపఁగఁ బోలుఁ బులక లొదవె నతివకుం జననీక యతివఁ గైకొని పెనఁగుటఁ గాఁబోలు ఘర్మబిందువు లెసఁగెన్.

⁠

క.⁠

మదరోషవిషాదాదుల నుదయించిని పాండురత్వ మొగిఁ బ్రస్ఫుట మై వదనమునఁ దేటపడునే నది వైవర్ణ్యంబుపేర నలవడి యుండున్.

⁠

క.⁠

మోదమున నేని రోషభ యాదుల నేనియును గంప మధికంబగుఁ దా నేదేహిదేహమున నది [2]మేదిని వేపథు వనంగ మెఱయుచునుండున్.

⁠

⁠

వైవర్ణ్యవేపథులు రెంటికి నుదాహరణము—

⁠

క.⁠

శ్యామసమంచితమేఘ శ్యాముని దలఁపంగ నేమిచందమొకో నె మ్మోము గడు వెల్లనయ్యెను గాముఁడు జంకింపకున్నెఁ గంపము గదిరెన్.

⁠

క.⁠

సంతోషరోషదుఃఖా క్రాంతస్వాంతులకుఁ బొడము కన్నుల నీళ్ళుల్ చింతింప నశ్రులని వ ర్ణింతురు భావవిదు లగుమనీషులు కృతులన్.

⁠

క.⁠

ఆనందాదులవలనం గానంగా నైనయట్టి గద్గదభాషి త్వానూనత వైస్వర్యా ఖ్యానంబున నుల్లసిల్లు నాగమసరణిన్.

⁠

⁠

అశ్రువైస్వర్యంబులు రెంటికి నుదాహరణము—

⁠

క.⁠

ఎం దరిగితి కృష్ణుఁడ నా [3]డెందము గరుపొడిచి తన్ను డీకొనునశ్రుల్ డిందించుకొనుచుఁ బలుకఁగఁ గందర్పుఁడె తెలు దానిగద్గదభాషల్.

⁠

క.⁠

ప్రణుతము లగుసాత్వికల క్షణముల నిటుచెప్పి యింక సంచారికల క్షణములు ముప్పదిమూఁడును గణుతించి సలక్షణముగా నొనరింతున్.

⁠

వ.⁠

అవి యెయ్యవి యనిన నిర్వేదగ్లాని శంకాసూయా మదశ్రమాలస్యదైన్య చింతామోహస్మృతిధృతి వ్రీడాచపలతాహర్షావేగజడతాగర్వవిషా దౌత్సుఖ్య నిద్రాపస్మారసుప్తిప్రబోధామర్షావహిత్థోగ్రతా మతివ్యాధ్యు న్మాదచరమత్రాసవితర్కంబులు ముప్పదిమూఁడును సంచారికాభావములు.

⁠

1. స్ఫీతులు రోమాంచ మని రచింతురు
2. మేదినిపైఁ గంప మనఁగ
3. డెందము గురుపొడిచి తన్నెదుర్కొనునశ్రుల్