194
ముకుందవిలాసము
పతికి విడెమిచ్చి వత్తుర మ్మతివ యనుచు
పొలఁతు లా యించుబోణిని బుజ్జగించి
కొన్ని చిన్నెల వగ గుసగుసలు దెలిపి
కోరి హరియున్న యెడకుఁ దోడ్కొనుచు నరిగి.291
కం॥ ఒక రొకరొకపని నెపముల
సకియ లరుగ రత్నభిత్తిసక్తి నిజకళల్
సకులె యని యుండు చెలివే
డ్కకుఁ గోర్కులు మీటి శౌరి గనుఁగొన నింతిన్.292
సి॥ కలికిమిటారి చిక్కని చొకాటపు గుబ్బ
లెదకు నాటకమున్న నెదకునాట
మగువ పిసాళిసోయగపుఁ దీయనిమోవి
రుచులనందకమున్న రుచులనంద
చెలువ మేల్కళలూరు మొలక నవ్వులమోము
ముద్దు జూపకమున్న ముద్దుజూప
వెలఁది చిల్కు టొయారివలపువాల్జుాపులు
కలికియ్యక మున్నగలియికీయఁ
దమిఁ బెనుచఁ జూచి చెలువుఁ డాతరుణిఁ దిగిచి
క్రుచ్చి కౌగిటఁజేర్ప నా కొలఁదులెంచఁ .
బరవశంబులఁ దముఁదామె యెఱుఁగరైరి
యొరులెటులఁదెల్ప నవ్వధూవరుల సుఖము.293
కం॥ రమణుఁ డిటు పాన్పుఁ జేర్చిన
మమతన్ భ్రమతం బడంతి మదిముడి సడలం
గ్రమమునఁ దనంత నంతన్
బొమముడి రవికెముడి పోకముడియన్ సడలెన్.294