తృతీయాశ్వాసము
181
పటుండు పంచజనోత్కటుండగుచుం బాంచజన్యారావంబు గావించె
నయ్యెడ.227
కం॥ వైరులు మఱియుం బురికొని
తారందఱు పొదువఁ దివుర దామోదరునిన్
వీరలతో నేమని యదు
వీరుండొక చిత్రసమరవిరచనబుద్దిన్.228
కం॥ నోవక పోవకయుండఁగ
జీవకళల్ నిలిపి విగతచేష్టులఁ జేయన్
భావించి యరుల హరియుఁ గృ
పావనధి నిజాయుధములఁ బనిచిన నవియున్.229
సీ ॥ చక్ర మందరి కన్నిచక్రంబులై చుట్టి
యున్న చోటఁ జలింపకుండఁ జేయ
శంఖంబు బహుమంత్రశబ్దాళిఁ దనయందఁ
గమిచి నిశ్శబ్దంబుగా నొనర్ప
శార్ఙ్గంబ శస్త్రాస్త్రశరధనుర్ముఖముల
జత తనలో నుపసంహరింప
గదగదాముసల ముద్గరపరిఘాదులఁ
దనచేతనె తిరోహితములఁజేయ
నందకము సైంధవధ్వజస్యందనాది
బంధనము లూడ్చి సడలింప బవరముననుఁ
జేయునది లేక రిపులు నిశ్చేష్ట నిలువ
నంద ఱాశ్చర్యపడఁజేసె నచ్యుతుండు.230
