162
ముకుందవిలాసము
కం॥ మనమొక దేవునిఁ గొలుతమె
వనితా! యన నా లతాంగి వారలతోడన్
మనకొక దేవుఁడు గలఁడే
మనసిజజనకుఁడె కాక మాన్యుండనినన్.127
కం॥ లాలసమున మృదులాలస
బా సమీరములు దోడుపడఁ గేళివనిన్
బాలికను నిలిపి వలపుల
మూలమగు రసాలసాలమూలవితర్దిన్.128
సీ॥ హరి యని శౌరి సంప్రార్థింత మందమా
యది సమీరుని నామ మతివలార
యల విధుండని శౌరి నర్చింత మందమా
యది నిశాపతినామ మతివలార
ప్రద్యుమ్నుఁడని శౌరిఁ బలుకుద మందమా
యది మన్మథుని నామ మతివలార
మాధవుండని శౌరి మది నెంతమందమా
యది వసంతుని నామ మతివలార
కాన ఫణిశాయిని నిశాటమానమథను
మదనహరసఖు మధువైరి మహి గణించి
యంచితస్థితిఁ గాంచి సేవించినంత
వీరి మదములు వదలు వేర్వేఱ ననుచు.129
ఉ॥ శ్రీరమణీయతం దనరి క్షీరపయోనిధిఁ బోని యొక్క కా
సారవిలాససీమ సిత సైకతమై తెలిదీవిఁబోని వి
స్తారసమేతశీతసికతామయవేదిక దివ్యకల్ప మం
దారతరుప్రతానసుమనః కమనీయత బొల్చునొక్కచోన్.130
