తృతీయాశ్వాసము
137
వ్యాహారము గనుఁగొన నమృ
తాహారముఁ బోని తృప్తి నలరిచె ననుచున్.13
కం॥ ఆ చెలువంబున నది గని
యా చెలువ ప్రియంబునంద నది గని వనితా!
నే చనినవార్త విను మిదె
వాచించెదననుచుఁ గీరవర మిట్లనియెన్.14
కం॥ నిను వీడ్కొని యటఁ జనిచని
జనపదములు మునిపదములు సరముల్ పురముల్
ఘననిగమములగమములున్
మునుఁ గనుచుఁ బ్రభాసతీర్థపుంబ్రాంతమునన్.15
కం॥ వారినిధిన్ భూరినిధిన్
హారివిధిన్ విశ్వకర్మ యలరించిన వి
స్తారవతిన్ సారవతిన్
ద్వారవతిం గంటిఁ గని తదంతికసీమన్.16
కం॥ పారావతవారాహత
పారేవతగళిత సారభారవదవనిన్
శ్రీరైవతకాచలశృం
గారవనిన్ మత్పురాధిగతసుకృతమునన్.17
కం॥ముద మొదవఁ బొదలు నొక పూఁ
బొద మొదలంగదలి మ్రొక్కఁబోయిన దేవుం
డెదురైనరీతి దోచిన
యదుకులపవిహేతిఁ గంటి నసురారాతిన్.18
సీ॥ చిఱుతప్రాయమువాఁడు చిఱునవ్వువెన్నెలల్
మొలకలెత్తిడి ముద్దుమోమువాఁడు
