111
ద్వి తీ యా శ్వా స ము
చెలువ బహుళపుఁదమి శాంతిఁజేయకున్న
విరహబహుళపుఁదమిఁ జిక్కి వెఱచు సుమ్ము
మీరు రాకున్నఁ దాపంబు మీఱు సుమ్ము
రమ్ము సకి కూరిమి దిరమ్ము సుమ్ము శౌరి.174
వ. అదియునుంగాక యింక నొక్క విశేషంబు వివరించెద.175
క. నీ విందఱిఁ బెండ్లాడితి
ఠీవిం దగ నవియుఁ బెండ్లిఠేవలె వినుమో
గోవింద యందునందున్
నేవిందున్ ముందుఁ దగునె నీ పేరునకున్.176
ఉ. బంధువులొప్పి చైద్యునకు బాలిక నీయగఁబిల్వకేగియున్
బంధువులఁ దోలి రుక్మిణిని బైటనె తెచ్చితి మ్రుచ్చిలించి యో
బంధురశీల నీ మొదలిభార్య గదా యది యవ్వివాహ మ
బ్బాంధవసమ్మతంబె తగుపాడియె దేవర! వారెఱుంగరే!177
క. ముందా శమంతకమణీ
నిందాహృతికొఱకు నరుగ నీ వొకగుహలో
నందా భల్లుక మొసఁగదె
వందారుని గతినింజాంబవతి నది సమమే.178
ఉ. ఆ జనవార్తమానమణి నంపిన మీపయి లేనిమాట దా
నోజ ఘటించితంచు నొకయూరనె మిమ్ము భజించియుండ స
త్రాజితుఁ డిచ్చె సత్య నుదరస్థితి వేఱొక రా జొసంగెనో
రాజులఁ గెల్చి తెచ్చితివొ రాజనుతా యిది యెంతఁ సెప్పుమా.179
క. కాళింది త్రోవఁ జను నొక
బాలిక నాప్రొద్దు బట్టి భవనోచితఁగా