ఈ పుట ఆమోదించబడ్డది
మంచి గ్రంథము చదువఁ గాంక్షించువాడు
కోరఁడాప్తుల , సచివుల కూర్మిసఖుల;
దినదినంబును హితము బోధించుచుండు
పుస్తకములె తన యనుంగు నేస్తగాండ్రు
పరిజనంబులు, మిత్రులు, బాంధవులును
మనల విడుతురు లేమి పైకొనినవేళ;
అండఁ బాయక యెపుడు వెన్నంటి తిరుగు
పొచ్చెములు లేని నేస్తముల్ పుస్తకములు.
మేటికావ్యము జనులకు మేలు గూర్చు,
అధమకావ్యము తద్దయు హాని సేయు;
ఏది మంచిదొ, చెడ్డది యేదొ, యరసి
పుస్తకంబులు చదువంగఁ బూనవలయు,
గ్రంథాలయము
శ్రీకరంబును, విబుధవశీకరంబు,
పూజితంబును, సత్కళారాజితంబు,
భాసితంబును, విజ్ఞానవాసితంబు,
శారదాదేవి పీఠంబు సంస్తుతింతు.
46