ఈ పుట ఆమోదించబడ్డది
బౌద్ధము - వైరాగ్యము.
కల్కి - ధర్మసంస్థాపనము.
“పరిత్రాణాయ సాధూనామ్‌ వినాశాయ చ దుష్కృతామ్‌
ధర్మసంస్థాపనార్థాయ సమ్భ వామి యుగే యుగే."
అను భగవద్గీతావచన ప్రకారము దుష్టులు చెలరేఁగి ధర్మ మడుగంటినప్పుడు, సాధువుల రక్షించుటకును ధర్మమును సంస్థాపించుటకును యుగయుగ మందును భగవంతుఁ డవతరించు చుండును,
ఆ ప్రకారము దుష్టశిక్షణము శిష్టరక్షణము గావించుటకు భగవంతుఁడు ఇంతదనుక తొమ్మిది యవతారముల నెత్తియున్నవాఁడు. ప్రకృతము ఈ కలియుగమున గాంధిరూపమున కల్కి. మూర్తియై యుద్భవించె ననియు, ఈ యవతారమునఁ గడచిన యవతారలీల లన్నియు మూర్తీభవించిన ననియు, ఈ గ్రంథము సాంకల్యముగఁ జదివినఁ దెలియనగును.
గాంధీ యవతార లీలలు
జీర్ణమతోద్ధరణము - మత్స్య
దీనసంరక్షణము - కూర్మ
పతితలోక సముద్ధరణము - వరాహ
అహంకార విధ్వంసనము - నారసిహ
విశ్వవిక్రమణము - వామన
