ఈ పుట ఆమోదించబడ్డది
వి లా ప ము
ఒక్కతరి కన్ను మూయుదు, నొక్క యెడను
కనుల నటె విచ్చి వెడ వెడఁ గాంతు బయలు;
ఒక్క వేళను తలయూఁతు, నొక్కసారి
ఉస్సురంచును వేఁడినిట్టూర్పు పుత్తు.
రాత్రి యరుదేర, నిద్దుర రాక వేఁగి
పగలె మే లని యెంతును, పగలు రాఁగ,
రేయి, మే లని యెంతు; నీరీతి గాఁగ
పగలు రేయియు నాపాలి పగలె యయ్యె.
ఒంటిపాటున దుఃఖంబు నోర్వలేక
పలువు రుండఁ దలంతును, పలువు రుండ
ఒంటిగా నుండఁ దలఁతు; నీయోజ నిట్లు
గడపుచుంటి దినంబు యుగంబురీతి.
వెల్లివిరియుచు తీరంబు పెల్లగించి
వఱ్ఱు లొడ్డుచు పాఱు ప్రవాహ మనఁగ,
నిండి నిబిడీకృతం బయి గుండెఁ జీల్చి
పొంగి పొర లెడి దుఃఖ మభంగురముగ.
21
