ఈ పుట ఆమోదించబడ్డది
సీత
అడల నేటికి లక్ష్మణా ! అన్నయాన
దాఁటవచ్చునె నీకు? విధాత నన్ను
అడవులం బడి యిడుమల బడలు మంచు
వ్రాసియుండఁగ, తప్పింప వశమె తండ్రి?
ఎన్న డే దంపతులు భాగ్యహీను లగుచు
నొండొరుల బాసి వెత నొందుచుండఁ జూచి
నవ్వియుంటినొ పూర్వజన్మంబునందు,
అనుభవింపక తీఱునె యా ఫలంబు ?
ఎల్ల రును నన్ను సాధ్వీమతల్లి యనుచు
ఎంతొ వినుతింప విని సంతసింతు గాని,
కల్ల నిందలఁ బాల్పడి కానలందు
ఇట్లు కడగండ్ల బడుదు నం చెఱుఁగ నైతి?
పిడుగు కంటెను కటకటా ! బెడిద మైన
పలుకు వినియును గుండియ పగుల దయ్యె.
పాడుబొందిని ప్రాణంబు బాయ దయ్యె ;
ఎట్లు వేగింతునో కాల మింకమీద ?
30
