ఈ పుట ఆమోదించబడ్డది
మృత్యువు సకలసమవర్తి
పదవి, సంపద, వంశంబు, వైభవంబు
శాశ్వతంబులు కా, వవి నశ్వరములు;
నృపుల శిరములపై నుంచు మృత్యుదేవి
చల్ల నగు తన మృదుహస్త పల్లవముల,
సార్వభౌముని కత్తి, కర్షకుని హలము
సమముగా రెండు నొకదానిసరస నొకటి
మృత్తులోపలఁ బొరలాడు; మృత్యుదేవి
అఖిలజీవుల నొకరీతి నాదరించు.
కైదువులఁ దాల్చి యోధులు కదనసీమ
రిపుల శిరములఁ గూల్తురు, మృత్యుదేవి
విజయు లగువారి శిరములఁ బ్రీతి మీఱ
తనదు బిగియారు బాహుబంధమునఁ బొదువు.
20