ఈ పుట ఆమోదించబడ్డది
అక్బరు నిర్వేదము
ఆమె యెవ్వరు ? కేలఁ జంద్రాయుధంబు
రాణ మెఱయఁగ పంచకల్యాణి నెక్కి
సమరభూమి విహారంబు సలుపుచుండె,
వీరరస మెల్ల మూర్తీభవించె ననఁగ
నెన్నుదుటఁ దూలి ముంగురుల్ నృత్యమాడఁ
చెక్కు దోయిని గ్రమ్మిన చెమ్మటలను
మాటిమాటికి కొనగోట మీటికొనుచు
దెసలఁ బరికించుచున్న యా తెఱవ యెవరు ?
ఆహవంబున రిపులపై మోహరించి
ఓహటిల్లక పోరాడి, యుర్వి నొరఁగి
యున్న తన సేనఁ దిలకించి యుస్సు రనుచు
వేడినిట్టూర్పు బుచ్చు నా చేడె యెవరు ?
43
