ఈ పుట ఆమోదించబడ్డది
‘చెప్పుమా తండ్రి? నే నింక నిప్పు డైన
అవలి కేగుదునే' యంచు నఱచె నతఁడు,
ఎఱుఁగఁ డక్కట! తన తండ్రి యింతమున్నె
అగ్నిహోత్రుని కాహుతి యయ్యె నంచు.
భీకర కరాళ సర్పజిహ్వికల ఛాతి
బుస్సు బుస్సని చిద్చులు బుగులుకొనియె;
విలయకాలము శాసించు విభునిఁ బోలె
నిర్భయంబుగ నిలుచుండె నర్భకుండు.
వేడ్కమై మృత్యుదేవిని పెండ్లియాడ
తమక మొందెడు పెండిలికొమరుఁ డనఁగ,
ఠీవి మీఱగ నిలుచుండె డింభకుండు
వీర శృంగారరసములు పెనఁగులాడ.
'ఏల పలుకవు ? నా పని యిప్పుడైన
అయ్యెనే ?' యని క్రమ్మఱ నఱచె నతఁడు;
వాని పలుకులు చిటపెటార్భటులనడుమ
నడగిఁ యవలికి వెలివడ వయ్యె నకట 1
14
