ఈ పుట ఆమోదించబడ్డది
ఊసర వెల్లి
పాంథు లిరువురు దారిలో పాదపంబు
నీడఁ గూర్చుండి ముచ్చటలాడుచుండి;
రంత నెచ్చటనుండియో యరుగుదెంచి
వృక్ష మెగఁబ్రాఁకె నూసరవెల్లి యొకటి.
"చూచితే సఖ ! ఎంతటి చోద్య మొక్కొ!
వింతగా నిప్పు డెద్దియో జంతు వొకటి
సరగుసరగున నరుదెంచి తరువు నెక్కె,
దానిఁ బోలిన జంతువు ధరణిఁ గలదె ?
"బాపురే ! దానిరూపంబు బల్లిరూపు,
మోము చేపది, నాలుక పామునాల్క,
మేఘమును బోలె నీలంబు మేనిచాయ”
అనుచు నొక్కఁడు రెండవయతని కనియె.
9
