ఈ పుట ఆమోదించబడ్డది
వచ్చుచున్నాఁడు తలపువ్వు వాడకుండ
నీదు చరణరాజీవసన్నిధికి వేగ.
మాత : చల్లఁగా వేయియేండ్లు వర్దిల్లు మయ్య!
ఆ ర్తరక్షక! ఈ శుభవార్త వినఁగ
నిలిపితివె జీవనంబుల నేఁటిదాఁక?
వీరుఁడా! నీదు పల్కులు వినకయుండ,
నడుమ నడ్డంబు వచ్చితి - నుడువు మయ్య
తనదు ముదుసలి తల్లికి అను గు బిడ్డ
ఏమి సందేశ మంపెనో ప్రేమ మీఱ,
విందు చెప్పుమ వీనులవిందు గాఁగ,
జోదు : పగతురకుఁ జిక్కి మనరాజు పట్టువడఁగ,
సైన్యములు పటాపంచలై దైన్యవృత్తి
పరుగువాఱుచునుండ, నీ వరసుతుండు
మెఱపు మెఱసినచందాన నురవడించి,
"పాఱిపోయెద రేటికో పందలార!
దోర్బలంబున రిపులతో దుర మొనర్చి
చంపు టొండెను, వారిచేఁ జచ్చుటొండె
56
