మాత : ఏమి యంటివి? చెప్పుమా - ఏమి యంటి?
నాదు నందనుడే ! - నాదు నందనుండె!-
నాదు చిన్నారి పొన్నారి నందనుండె!-
నాకు సందేశ మంపెనా? నాకె - నాకె!
ఏమి యంపెను? సందేశ మేమి యంపె?
ఆతఁ డాడినయట్టి ప్రత్యక్షరమును
కడమ యొక్కింత వడకుండ నుడువు మయ్య?
యోధుఁడా! నీవు నమ్మెదో లేదొ కాని-
అతఁడే నాదు జీవన మతఁడె ప్రాణ,
మాతఁడే నాదు చేయూత, అతఁడె ప్రాపు;
చెప్పు మేటికి తడసెదు; చెప్పు మయ్య!
పిదప సంగతు లన్ని చెప్పుదువు కాని-
ముందుగాఁ జెప్పు మొకమాట, నందనుండు
చెక్కుచెదరక యున్నాఁడె సేమముగను?
జోదు : పెక్కుమాట లిఁకేల? నే నొక్కమాట
చెప్పుచుంటిని విన వమ్మ శీఘ్రముగను !
జననిరో! నీదుతనయుండు సమరమందు
శత్రు బలముల నెల్లను జక్కడంచి
55