ఈ పుట ఆమోదించబడ్డది
గుజ్జుమామిడి సెలగొమ్మకొనల వ్రాలి
చివురుజొంపంపు గుబురులు చిదిమి మేసి
కొదమకోయిల కో యని కూయుచుండె;
తమ్ముఁడా! అడుకొందము రమ్ము వేగ.
సగము మేసిన పోఁచలు జాఱిపడఁగ
బెదరుకన్నుల మాటికి వెనుకఁ గనుచు
భీతిచే లేడి పరుగులు వెట్టుచుండె;
తమ్ముఁడా: ఆడుకొందము రమ్ము వేగ.
అనుదినమ్మును మనము వయ్యాళి వెడలు
సరసునిండను కలువలు విరియఁబాఱి
కనులపండువు సేయుచుఁ గానవచ్చె;
తమ్ముఁడా! ఆడుకొందము రమ్ము వేగ.
తల్లి : గోరువంకలు చిలుకలు మాఱు వలుక
కఱకు ఱాలును జాలిచే కరఁగిపోవ
ఎవని పిలుతువొ యెలుఁగెత్తి యింతసేపు,
వాఁడు నీచెంత కెన్నఁడు రాఁడు బిడ్డ!
7