ఈ పుట ఆమోదించబడ్డది
మంచుమలలందు నొకసారి మలయుచుందు;
జలదపంక్తుల నొకమాఱు చౌకళింతు;
సాగరముమీఁద నొకపరి సంచరింతు;
పులుఁగులకు మాకు ఋతుభేదములును గలవె?
బాలిక: గిరుల, మబ్బుల, కడలి పైఁ దిరుగునపుడు
త్రోవ తప్పి భ్రమింపవే తోడు లేక?
చిన్ని చిలుకరొ? నీ కిట్టి సిలుగు లేల?
చెలఁగి నాయింట నెపుడు వసింపరాదె?
చిలుక: నోరు లేనట్టి పశు పక్షివారములకు
తోడుపడు నెవ్వఁ, డాతండె త్రోవ సూపు;
కిరణముల జిమ్మి, జిగిమబ్బుపొరల జించి
లీల విహరింతు నిచ్చమై గాలి వోలె.