పుట:భాగవతము - ఏకాదశస్కంధము (హరిభట్టు).pdf/79

ఏకాదశస్కంధము

79

వ.⁠

అని, ఇవ్విధంబునం జక్రి నిర్వక్రసమ్యగ్జ్ఞానప్రకాశకరంబు లైన వచనంబులు పల్కిన ధరామరముఖ్యుండు సంతసించి యిట్లనియె.

⁠ 314

క.⁠

తెలియనివి గొన్నిమాటలు గల వడిగెద భువనవంద్యకళ్యాణసము జ్జ్వలరూప నాకుఁ గ్రమ్మఱఁ దెలుపుము చిత్తంబులోనఁ దెలివి తలిర్పన్.

⁠ 315

సీ.⁠

యమ మెన్నివిధములు శమ మన నెయ్యది         దమ మేది ధృతి యేది దాన మేది తప మేవిధంబు సత్యత్యాగ ధన యజ్ఞ         దక్షిణావిద్యలుఁ దనర నెవ్వి లక్ష్మియు సుఖ దుఃఖ లజ్జ లనా నెవ్వి         పండితమూర్ఖు లేపగిదివారు మార్గోత్పథంబుల మహిమ లేవిధములు         స్వర్గనారకముల జాడ లెవ్వి

⁠

గీ.⁠

బంధు లెవ్వారు గృహమేధి పరగ నాఢ్యుఁ డనఁగ నెవ్వఁడు ఘనదరిద్రాంధకార సహితుఁ డెవ్వాఁడు నాథుఁ డే జాడవాఁడు దీనమందార యివి నాకు నానతిమ్ము.

⁠ 316

వ.⁠

అనిన విప్రవరునకు గోపికావల్లభుం డిట్లనియె.

⁠ 317

క.⁠

నీ వడిగిన యీ ప్రశ్నల కే వంకను సవతు లేద యీ భావము నీ భావంబున కొడఁబడ సం భావన నెఱిఁగింతు నీకుఁ బటువాక్ప్రౌఢిన్.

⁠ 318

వ.⁠

ఆకర్ణింపు మది యె ట్లనిన నహింసయు, సత్యంబును, కార్యరాహి త్యంబును, అసంగమంబును, అసంచయంబును, ఆస్తిక్యంబును, బ్రహ్మచర్యంబును, మౌనంబును, స్థైర్యంబును, క్షమాభయంబు

⁠