పుట:భాగవతము - ఏకాదశస్కంధము (హరిభట్టు).pdf/75

75

ఏకాదశస్కంధము

వ.⁠

అని పలికిన సర్వంసహాసురేంద్రునకు నారాయణుం డి ట్లనియె.

⁠ 302

సీ.⁠

కృతయుగంబందు సత్కృతుఁడనై         హంసరూపంబున నలరియుందు ఆ యుగంబున ధర్మ మంతయు వృషరూప         మున వృద్ధిబొందును దినదినంబు త్రేతాయుగంబునఁ జాతురి నా ధర్మ         మంతయుఁ బాదత్రయమునఁ దనరు ద్వాపరంబందుఁ బాదద్వయంబున నది         వర్తించు నెచ్చోట వరుస చెడక

⁠

గీ.⁠

బలిమి నొందక కలియుగంబందుఁ బాద మాత్రమున నుండి యదియును మాసిపోవు నీ విధంబున ధర్మంబు నేపు దప్పి యుగయుగంబున వర్తించు నుర్విమీద.

⁠ 303

సీ.⁠

ఆరయ వక్త్రబాహూరుపాదములందు         రమణవిప్రాదివర్ణములు పుట్టె యజ్ఞంబు సత్య మధ్యయనంబు శమమును         విప్రధర్మంబులై వెలయుచుండు దాన మాస్తిక్యంబు దయయును శౌర్యంబు         క్షత్రధర్మంబులై జరుగుచుండు నియమంబు శాంతి వాణిజ్య గోరక్షణా         దులు వైశ్యధర్మము తెలిసి చూడ

⁠

గీ.⁠

విప్రసేవయు దానంబు విష్ణుభక్తి స్వామికార్యంబు మాయగాఁ జరుపకుంట జయము చేఁగొంట శత్రుల సమయఁజేయు టరయ నివి శూద్రధర్మంబు లన్నిదిశల.

⁠ 304