దైత్యులయందు బ్రహ్లాదుండును, నక్షత్రోషధులయందుఁ గళా
నిధియును, గజంబులయం దైరావతంబును, దురంగంబులయం
దుచ్చైశ్శ్రవంబును, దర్వీకరంబులయందు వాసుకియును, మృగం
బులయందు సింహంబును, నాశ్రమంబులయందు యత్యాశ్రమంబు
ను, వర్ణంబులయం దకారంబును, నదులయందు గంగయు, సాగ
రంబులయందు క్షీరసాగరంబును, ఆయుధంబులయందు ధనువును,
గిరులయందు మేరుశైలంబును, వసస్పతులయం దశ్వత్థంబును, నోష
ధులయందు యవధాన్యంబును, యజ్ఞంబులయందు బ్రహ్మయజ్ఞం
బును, వ్రతంబులయం దహింసయు, యోగంబులం దాత్మసంరోధం
బును, స్త్రీలయందు శతరూపయు, మునులయందు నారాయణుండు
ను, యుగములందుఁ గృతయుగంబును, సిద్ధులయందు దేవళుండును,
ధర్మంబులయందు సన్న్యాసంబును, గోప్యంబులయందు సత్యంబును,
ఋతువులయందు వసంతంబును, మాసంబులయందు మార్గశీర్ష
మాసంబును, నక్షత్రంబులయం దభిజిన్నక్షత్రమును, భగవదాకా
రంబులయందు వాసుదేవుండును, కింపురుషులయం దాంజనేయుం
డును, జయశీలంబు లగు నాయుధములయందు సుదర్శనంబును,
రత్నంబులయందుఁ బద్మరాగంబును, దానంబులయం దన్నదానం
బును, తిథులయం దేకాదశియును, నీతులయందు వైష్ణవుండును నై
వర్తింతు. ఇవి మద్విభూతులుగా నెఱుంగుము. మరియు, నింక
జగంబులయందు నే వస్తువులం దెయ్యవి మించు చూపు నవి మద్రూ
పంబులుగా నెఱుంగవలె నని పుండరీకాక్షుం డానతిచ్చిన విప్రవరుం
డిట్లనియె.
