పుట:భాగవతము - ఏకాదశస్కంధము (హరిభట్టు).pdf/71

ఏకాదశస్కంధము

71

సీ.⁠

హరిభక్తి గలవాని చరణరేణుచయంబు         సోఁకిన భూ మెల్ల శుద్ధి పొందు హరిభక్తి గలవాని కన్నంబుఁ బెట్టిన         నరు నింట [1]వేడుక నారగింతు హరిభక్తిసంపన్నుఁ డగువాని సేవింపఁ         బాపతూలాద్రులు భస్మ మగును హరిభక్తిసంయుక్తుఁ డగువాని వెనువెంట         దిరుగులాడుచు నుందుఁ దెలివి సెడక

⁠

గీ.⁠

వ్రతము లైనను సంతతక్రతువు లైన ధర్మ మైనను బహువిధాధ్యయన మైన నీడుజోడుగ మద్భక్తితోడ నెపుడు [2]సవతు రా నేర వెచ్చోట సంయమీంద్ర.

⁠ 292

గీ.⁠

భోగవాంఛతోడఁ బొదలెడి చిత్తంబు భోగ్యవస్తుసమితి పొందుఁ గోరుఁ దనివి లేక నన్నుఁ దలఁపుచు వర్తించు మనము మత్పదాబ్జమున నిలుచు.

⁠ 293

శా.⁠

కాంతసంగము మాని సంతతము నేకాంతప్రదేశంబునన్ శాంతుండై ధనదారమోహకలితేచ్ఛావర్జితుండై రమా కాంతుం డౌ నను నెప్డుఁ బ్రేమమున మోక్షప్రాప్తికై యోగి శు ద్ధాంతఃపద్మమునం దలంపవలయు హర్షోల్లాసత్స్వాంతుఁడై.

⁠ 294

మ.⁠

హరి యీ రీతిని నానతిచ్చిన మునీంద్రాగణ్యుఁ డా పంకజో దరుతో ని ట్లనియెన్ సమస్తజగదాధారప్రపన్నార్తిసం హర యెవ్వానిమనంబులోఁ దలఁచి యోగారూఢుఁ డింద్రాది డు స్తరయుష్మత్పదవాసియై తనరుఁ దద్ధ్యానంబు వర్ణింపవే.

⁠ 294

1. నే భోజనంబు సేతు - వ్రాఁతప్రతి
2. సమత కానేరవు - వ్రాఁతప్రతి