పుట:భాగవతము - ఏకాదశస్కంధము (హరిభట్టు).pdf/63

ఏకాదశస్కంధము

63

గీ.⁠

కాన మానవు డన్యమార్గంబునందుఁ దెలివి వర్ణించి రూఢి వర్తించెనేని ధనము వాంఛించి, విధిలేని తావు వెదకు నతనిరీతిని విఫలత్వమందుఁ బిదప.

⁠ 261

సీ.⁠

క్రమమునఁ గర్మమార్గమున వర్తింపుచు         ఫలమంతయు మదర్పణము సేసి మన్నామ మనయంబు మదిలోనఁ దలఁపుచుఁ         దుదిముట్ట మద్భక్తిఁ బొదలిబొదలి సత్సంగతులఁ బొంది షడ్గుణైశ్వర్యసం         పన్నుండనౌ నన్నుఁ బరమయోగి చిత్తాంబుజాంతరస్థితునిగాఁ దలపోసి         వితతమల్లక్షణాంకితుఁడ వగుచు

⁠

గీ.⁠

మత్ప్రియంబుగ ధర్మకామముల నెప్పు డాచరింపుచు మత్పరాయణుఁడ వగుచు నఖిలజగమును మద్రూపమని యెఱింగి పుడమిలోపలఁ జరియింపు భూసురేంద్ర.

⁠ 262

వ.⁠

అని యశోదానందనుండు మందహాసంబుసం బలికిన ధరణిసురుం డిట్లనియె.

⁠ 263

క.⁠

ఏ విధమున నీ రూపము భావంబునఁ దెలియవచ్చు, భక్తి యనఁగ నే భావంబున నుదయించును శ్రీవర నా కానతిమ్ము చిత్రచరిత్రా.

⁠ 264

చ.⁠

అనిన ధరాసురేంద్రునకు నావసుదేవకుమారుఁ డిట్లనున్ వినుము మునీంద్ర, భావమున వీక్షణ సేయుము, నన్ను భక్తితోఁ గనకమయాంశుకోజ్జ్వలునిగా, జలజాంబుజ [1]శంఖనందకా భినుతకరాబ్జుగా విమలబింబఫలాధరుగా నుదారతన్.

⁠ 265

1. ఈ ప్రయోగము తాళపత్రమున నిట్లనే యున్నది.