పుట:భాగవతము - ఏకాదశస్కంధము (హరిభట్టు).pdf/52

52

ఏకాదశస్కంధము

క.⁠

జిహ్వాచాపలసహితుఁడు బహ్వాశాకలితుఁ డగుచుఁ బలితుండగు, నా జిహ్వాచాపలరహితుఁడు బహ్వమరసమేతుఁ డగుచు వడిఁ జను దివికిన్.

⁠ 223

సీ.⁠

నెఱి విదేహమహావనీపురమునఁ రాజ         వీధిఁ బింగళ యను వేశ్య గలదు తన్మూలమునఁ గొంతతత్త్వ మే నెఱిఁగితి         నా కథావృత్తాంత మాదినుండి విస్తరంబుగ నీకు వివరించి చెప్పెద         విను మాదరంబున విమలచరిత యావేశ్య యొకనాఁడు భావంబులో నర్థ         సంగ్రహార్థం బాత్మసఖుని మొఱఁగి

⁠

గీ.⁠

గరిమఁ గూరిమిసల్పు వాక్యములచేత రాకపోకల వచ్చువారల మనంబు లందు మన్మథభావంబు లాదుకొనఁగ రమణ వర్తించె నిజమందిరంబునందు.

⁠ 224

క.⁠

ధనమిచ్చువానిఁ బిలిచెద నని రాత్రిట నిద్ర మాని యామానిని వీ థినిఁ దిరుగాఁడఁగ దన్మన మున నొకనిర్వేద మొదవె ముక్తిప్రదమై.

⁠ 225

వ.⁠

ఇవ్విధమున నిద్రాసుఖము పరిత్యజించి విత్తాశాపరవశయై నిశా సమయంబున రాజమార్గంబునఁ దిరుగాడుచు నధికశ్రమంబు నొందిన యావేశ్యాలలామ మానసంబున నిర్వేదంబు జనియించిన నాత్మలో నిట్లనియె.

⁠ 226