పుట:భాగవతము - ఏకాదశస్కంధము (హరిభట్టు).pdf/51

ఏకాదశస్కంధము

51

క.⁠

అధికాసవసంగ్రహమున మధుమక్షిక మడియుకరణి మహిలో యతిదు ర్వీధమున బిక్షాసంగ్రహ మధమంబుగఁ జేసెనేని హతపుణ్యుఁడగున్.

⁠ 217

ఆ.⁠

జనులచేత దుఃఖసంచితంబై యువ భోగములకు రాక పోవుధనము కూర్మి జుంటియీఁగ కూర్చు తేనెయమాడ్కి పొలుపుమీఱిఁ యన్యభోగ్యమగును.

⁠ 218

క.⁠

నెలకొన్నవేడ్క యతి రా మలగీతము వినఁగవలదు మాటికి, వినినన్ దలఁ పెక్కి ఋష్యశృంగుని వలెఁ దద్గతహృదయుఁ డగుచు వర్తన విడుచున్.

⁠ 219

క.⁠

గీతము చెవులకు సోకిన చాతురిఁ దనుమఱచి మృగము సమసినకరణిన్ గీతము విని యతి తద్వశుఁ డై తా సుజ్ఞాన ముడిగి హతుఁడగు నధిపా.

⁠ 220

క.⁠

రసమోహితులై మర్త్యులు రసనాదోషంబువలన రాయిడి పడుచున్ దెసచెడి మీనంబులక్రియ నసమాంతకపాశబద్ధు లగుదురుకు దఱచై.

⁠ 221

క.⁠

అనయము జిహ్వాచాపల మున నింద్రియజయము లేక ముక్తికిఁ బదిలం బున జనెడిమార్గ మెఱుఁగక మనుజుఁడు సమవర్తిలోకమందు వసించున్.

⁠ 222