పుట:భాగవతము - ఏకాదశస్కంధము (హరిభట్టు).pdf/50

50

ఏకాదశస్కంధము

క.⁠

ఏనరుఁ డైననుఁ గానీ మానవలోకంబు బొంది మతిమంతుండై శ్రీనాథుని మదిఁ దలఁపని యానరుఁ డారూఢపతనుఁ డనఁగాఁ బరఁగున్.

⁠ 211

ఆ.⁠

పట్టె డంతయైనఁ బరిపూర్ణమైనను రుచివిహీనమైన రుచ్యమైన కణఁక గోర్కిలేక గ్రాసంబు వచ్చిన సంగరంబుమాడ్కి నందవలయు.

⁠ 212

గీ.⁠

జీవనంబు గల్గి చేవ మీఱినవేళఁ బూని జీవనంబు లేనివేళ నుబ్బుస్రుక్కు లేక యుండంగవలయును సాగరంబుమాడ్కి యోగయుతుఁడు.

⁠ 213

క.⁠

శలభము సంతతదీప జ్వలనంబున సమయునట్లు వామాక్షులయు జ్జ్వలభూషాంబరవాంఛా కలితుండగు నరుఁడు వొందు ఘననరకంబుల్.

⁠ 214

క.⁠

జవమునఁ దుమ్మెద పుష్పా సవపానము సేయురీతి శాస్త్రాంతరసం భవసారములను మునిపుం గవుఁ డాచరణంబు సేయఁ గల్గును సుఖముల్.

⁠ 215

క.⁠

దారువినిర్మితకాంతా కారములును ముట్టెనేని ఘనుఁడగు యతి తా నేరుపు చెడి బద్ధుఁడగు గారవమునఁ గరిణిఁ జేరు కరిచందమునన్.

⁠ 216