పుట:భాగవతము - ఏకాదశస్కంధము (హరిభట్టు).pdf/49

ఏకాదశస్కంధము

హరిభట్టారకుఁడు

క.⁠

ఈరీతి నురులఁ జిక్కిన దారాపత్యములఁ జూచి తత్పతి దుఃఖా పూరిత నిజమానససం ప్రేరితుఁడై యిట్లు పలవరింపఁ దొడంగెన్.

⁠ 207

సీ.⁠

పరమపాతివ్రత్యపావనురాలైన         భార్యయుఁ బ్రాణమై పరఁగుసుతులు నురులచేఁ జిక్కుపడున్నారు నాకింక         నెయ్యది దిక్కు, నే నెట్లు నిలుతు నొకటి విచారింప నొకకర్మ మేతెంచె         దైవికయత్నంబు దప్ప దెచట వీరలఁ బాసి నే ధీరత నెట్లుందు         దిగనాడి చనుచున్న దిటుకుటుంబ

⁠

గీ.⁠

మనుచు బెగ్గిలి విరహాకులాత్ముడగుచు బెక్కువిధముల విలపించి బీరముడిగి పాయరానట్టి కూరిమిఁ బాయలేక తగులుపడె నందుఁ బతగంబుఁ దత్తరమున.

⁠ 208

క.⁠

తగిలిన పతగంబుల నా యగచరుఁడు వధించి చిక్కమం దిడుకొని, వాఁ డగణిత హర్షసముజ్జ్వలుఁ డగుచుం జనె నిలయమునకు యదువంశనిధీ.

⁠ 209

క.⁠

ఈరీతి మోహవశమున దారాపత్యాదులందుఁ దత్పరుఁడై , స ర్వారంభహీనుఁ డగుచును జేరువ నరకంబులందుఁ జెందు నరుండున్.

⁠ 210