పుట:భాగవతము - ఏకాదశస్కంధము (హరిభట్టు).pdf/41

ఏకాదశస్కంధము

41

సీ.⁠

భవదుపభుక్తపుష్పములచే గంధాంశు         కములచే విరచితాకారయుతుఁడు నగుచు నీయుచ్ఛిష్ట మనురాగమతితోడ         భుజియించువాఁడను భువనవంద్య నీమాయఁ దరియింప నేర్తునే శ్రవణాది         మునులు నీభక్తిచే ముక్తికరిగి రది గానఁ గర్మవిఖ్యాతమార్గంబున         ననయంబు వర్తించి యాదరమున నిన్నుఁ దలఁచుచు మనమందు నీగుణంబు లను దినంబును వర్ణించు నట్టినాకు దుస్తరంబగు నీమాయ దు.......... ..............కోణపాధీశ కువలయేశ.

⁠ 166

వ.⁠

ఇవ్విధంబునఁ బ్రియసేవకుండగు నుద్ధవుండు పల్కిన దరహాసవిక సితవదనుండై వసుదేవతనయుఁ డిట్లనియె.

⁠ 167

క.⁠

ఏమాట నీవు పల్కితి నామాట నిజంబు ముక్తి కరిగెడు కొఱకై దామరససంభవాదులు వేమఱు నను వేఁడి రటకు, వేగమ చనుదున్.

⁠ 168

సీ.⁠

బ్రహ్మాదిసురలచేఁ బ్రార్ధింపఁబడియు నే         నంశంబుతోడుత నవతరించి దేవకార్యంబు సాధించితి నిటమీఁద         యదువంశనాశన మగు మునీంద్ర వారాసి యేడవవాసరంబునకును         ద్వారావతిని ముంచుఁ దడవులేక మాచేత సంత్మక మగుచు నీలోకంబు         కలిసమాక్రాంతమై బలిమి చెడును

⁠