పుట:భాగవతము - ఏకాదశస్కంధము (హరిభట్టు).pdf/40

40

ఏకాదశస్కంధము

ఆ.⁠

పయనమునను వృష్ణిబలములఁ బరికించి యుద్ధవుండు యోగయుక్తుఁ డగుచు వేగ నరుగుదెంచి విష్ణు నీక్షణఁ జేసి పాదయుగము నెరఁగి పలికె నతఁడు.

⁠ 163

సీ.⁠

సర్వగ సర్వేశ సర్వజ్ఞ సన్నుత         సచ్చిదానంద విశ్వాధినాథ సాహసాహితచక్రసంహార సరసీరు         హాయతేక్షణ ఘనాద్యంతశూన్య సనకాదియోగీంద్రచారుమానసపద్మ         నిలయాతినిర్మల నిర్వికార కంసచాణూరాది ఖండనాఖండల         ప్రముఖవందితలసత్పాదయుగళ సకలలోకైకనాయక చక్రహస్త కోటిమన్మథసమరూప కుంభినీశ వామనాచ్యుత గోవింద వాసుదేవ నిన్నుఁ దలఁచెద నేపొద్దు నిత్యచరిత.

⁠ 164

సీ.⁠

దేవ యోగీశ్వర దేవేశ నీవిట         సకలయాదవబలక్షయముఁ జేసి మహిమీఁద నిలయంబు మాని కైవల్యంబుఁ         బొందుచున్నాఁడవు భువనవంద్య నిశ్చయం బిది నేను నీపాదయుగళంబుఁ         బాసి యుండఁగలేను భవ్యరూప కొనిపొమ్ము నీపదంబునకు న న్నచ్యుత         నీక్రీడ నరులకు నిఖిలపుణ్య కారణముగాన వినుతించు ఘనులు దివ్య లోకములఁ బొందుదురు పద్మలోచనాఢ్య చతురతశయ్యాసనాటన స్నానభోజ నాదులందును విడువలే ననఘ నిన్ను.

⁠ 165