పుట:భాగవతము - ఏకాదశస్కంధము (హరిభట్టు).pdf/34

34

ఏకాదశస్కంధము

⁠

నొందిన విస్మయంబంది యమ్మిథిలేశ్వరుండు కర్మానుష్టానంబు సమాప్తించి జ్ఞానయోగం బవలంబించి తన్మూలంబునఁ బరమపదం బునకుం జనియె; నీయుపాఖ్యానంబుఁ బఠించిన వినిన నరులు హత కిల్బిషులై విష్ణులోకనివాసు లగుదు రని నారదుండు వసుదేవున కీవృత్తాంతం బెఱింగించి మఱియు నిట్లనియె.

⁠ 138

క.⁠

భగవద్భక్తికి సాధన మగు నీధర్మముల వినియు హతకలుషుఁడవై సుగతికిఁ జనియెద వీము జ్జగములు వినుతింప విగతసంగుఁడ వగుచున్.

⁠ 139

క.⁠

నీకీర్తులు నిర్మలమై లోకంబులఁ బూర్ణమయ్యు లోకోత్తర యీ శ్రీకాంతుఁ డుద్భవించెను మీకుం దనుజాతుఁ డగుచు మేదినీలోనన్.

⁠ 140

క.⁠

శ్రీహరిపైఁ దనుజాత స్నేహం బొనరించి వర్ణనీయం బగుమా దేహములు శుద్ధిఁ బొందెడు నాహారాలింగనోజ్జ్వలాలాపములన్.

⁠ 141

క.⁠

పగఁగొని శిశుపాలాదులు భగవంతుని నతివిలాస భావస్మరణం బొగిఁ జేయుచు ననుదినమును సుగతికిఁ జని రెచట నిట్టిచోద్యము గలదే.

⁠ 142

క.⁠

ఎడపక రివుల వధింపను బుడమిని నవతీర్ణుఁడైన పురుషోత్తముపైఁ గొడు కనియెడి మోహం బది విడువుము వసుదేవ సర్వవిద్యార్థజ్ఞా.

⁠ 143