పుట:భాగవతము - ఏకాదశస్కంధము (హరిభట్టు).pdf/31

ఏకాదశస్కంధము

31

⁠

బహువిధాంతరఘనపాశబద్ధు లగుచు ఘోరనరకములలోనఁ గూలువారు.

⁠ 126

క.⁠

సుతులందు గృహములందును సతులందును మమతఁ జేసి సర్వేశునం దతిదినము విముఖు లగు దు ర్మతులకు నరకంబుఁ గలుగు మానవనాథా!

⁠ 127

వ.⁠

అని మునివరుం డానతిచ్చిన విదేహుం డిట్లనియె.

⁠ 128

గీ.⁠

ఏయుగంబునందు యేరీతి వర్తించు నెట్టిరూపువాఁడు నేవిధాన మున నుతింపఁబడును మునిదేవగణముచే విష్ణుఁ డవ్యయుండు విశ్వవిభుఁడు.

⁠ 129

క.⁠

నానాకారంబులతో దానవులను సంహరింప ధరణీస్థలిలో శ్రీనాథుఁ డుద్భవించును పూనితమై ప్రతియుగమున మహానీయుండై.

⁠ 130

వ.⁠

మఱియు నప్పురాణపురుషుండు కృతయుగంబునందు శుక్లవర్ణుండై చతుర్బాహుండై జటావల్కల కృష్ణాజినోపవీత జపమాలా దండకమండలధరుండై నిర్వైరులై శాంతులై తపోధ్యాననిష్ఠులై తద్యుగ సంభవులైన మనుష్యులచే హంసయు సువర్ణుండును నమలుండును ఈశ్వ రుండును పురుషుండును పరమాత్ముండును ననంబరగు దివ్యనామంబుల చేత సన్నుతింపంబడు; త్రేతాయుగంబునందు రక్తవర్ణుండై బాహు చతుష్కవిరాజమానుండై మేఖలాశ్రయ సహితుండై హిరణ్యకేశుం జై సృక్ సృవాద్యుపలక్షణుండై విష్ణువు యజ్ఞపురుషుండును, పృశ్ని గర్భుండును సర్వదేవమయుండును, వృషాకపియు, జయంతుండును,

⁠