పుట:భాగవతము - ఏకాదశస్కంధము (హరిభట్టు).pdf/2

2

భాగవతము

శా.⁠

బంధూకప్రసవాతిరక్తవదనున్ బ్రఖ్యాతునిం రామహృ ద్బంధున్ వాయుతనూభవున్ దలఁచి విద్వత్కోటి మద్వాగ్విభూ తిం ధాత్రి న్వినుతింప భాగవతమం దేకాదశద్వాదశ స్కంధంబుల్ దెనిగింతుఁ బూర్వకథిత స్కంధానుసారంబునన్.

⁠ 4

క.⁠

మారుతసుతుఁ డఁట కృతిపతి పారీణత భాగవతము పలికెడి దఁట యీ సారస్య మిచట గల్గఁగ వేఱొక మార్గమునఁ బోవు వెఱ్ఱియుఁ గలఁదే.

⁠ 5

క.⁠

శ్రీ రాఘవపదసేవా పారాయణ భక్తలోక బహుళాపన్ని స్తారకరజనీచరసం హారాధిక జయసనాథ హనుమన్నాథా!

⁠ 6

వ.⁠

నారాయణ చరణకమల ధ్యానామృతపాన పరవశులగు శౌనకాది మునివరులకు సకలవేదవేదాంత పురాణేతిహాస కథావ్యాఖ్యానవైఖరీ సమేతుం డగు సూతుం డిట్లనియె; నట్లు పరీక్షి న్నరేంద్రునకు శుక యోగీంద్రుం డిట్లనియె.

⁠ 7

క.⁠

జననవ్యాధుల కౌషధ మనయంబును గర్మబంధహరణము తిరమై వినుము నృపాలక! హరికథ వినిపించెదఁ గర్ణములకు వేడ్క దలిర్పన్.

⁠ 8

సీ.⁠

అంతట శ్రీకృష్ణుఁ డధికసైన్యముఁ గూడి         సకలరాక్షస బలక్షయముచేసి హర్షంబుతోడుత నఖిలభూభారంబు         మానిచి సురలు సమ్మతమునొంద దుర్ద్యూత హేళనాదులు నిమిత్తముచేసి         పాండవకురుభూమిపాలబలము లను జంపి నందాదులకును సంతోషంబు         కావించి లోకరక్షణము చేసి

⁠