మఱియు స్వప్నమందు గ్రాహ్యగాహకగ్రహిత్వభేదంబులచే
మూఁడువిధంబులై తోఁచు చందంబున జ్ఞానంబును మాయాసమావృ
తంబై త్రివిధంబై పర్యవసించు మనోరథంబు స్వప్నావస్థయం దణంగిన
క్రియ త్రివిధం బగు మాయయు నాత్మయందే లీనంబగు; పరమేశ్వరుండు
మొదలను పృథివ్యాదిమహాభూతమయమైన సృష్టి సృజించి పంచధాతు
వుల చేతఁ బ్రవేశించి యాత్మ నేకాదశేంద్రియంబులచే భవంబు పుట్టిం
చుచు గుణంబులచేత గుణంబుల నంగీకరించుచు నాత్మప్రద్యోతితగుణం
బులచేతను గుణానుభవంబు చేయుచున్నవాఁడై యీసృష్టిని నాత్మీ
యంబుగా విచారించుచు దేహి కర్మమూలంబున నైమిత్తిక కర్మంబుల
నాచరించుచు దత్ఫలం బంగీకరించి దుఃఖైకవశుండై వర్తించు; పెక్కు
విధంబుల బొందిన యీదేహి కర్మఫలంబుల నంగీకరించుచు, భూత
సంప్లవపర్యంతము పరవశుండై జన్మంబుల బొందుచుండు, నంత
ధాతూప్లవం బాసన్నం బైన ద్రవ్యగుణస్వరూపంబగు జగంబును,
అనాధినిధనంబగు కాలంబును, ప్రకృతింబొందుచు నటమీఁద శతవర్షం
బులు వర్షంబులేమియు నంత సూర్యుండు నిజతేజంబుచే సకలలోకం
బులు దహించుటయు, పాతాళలోకంబువలన సంకర్షణ ముఖజనితా
నలం బూర్ధ్వముఖంబై వాయుసహాయంబై దిక్కులయందు వర్ధిల్ల నంత
సంవర్తకమేఘంబులు నూఱుసంవత్సరములు ధారావర్షంబులు గురియు
నంద విరాడ్రూపం బగు; నంత వై రాజపురుషుండు నిరింధనంబగు నగ్ని
చందంబున నవ్యక్తంబుఁ బ్రవేశించు నంతభూమి వాయుహృతగంధంబై
జలరూపంబు దాల్చు; నాజలంబు హృతంరసంబై తేజోరూపంబు నొందు;
నాతేజంబు తమోవినిహతసారంభై వాయునం దణంగు; నా వాయువు
హృతస్పర్శ గలదై యాకాశంబునందు సంక్రమించు; నా యాకాశంబును
వితతశబ్దగుణంబు గలదై యాత్మయం దణంగు; నంత నింద్రియంబులు
