పుట:భాగవతము - ఏకాదశస్కంధము (హరిభట్టు).pdf/15

ఏకాదశస్కంధము

15

మ.⁠

అనయంబున్ హరిజన్మకర్మకథలన్ హర్షంబుతో వీనులన్ వినియుం బాడుచు నాడుచున్ వ్రతముతో విశ్వంబులో సంచరిం పను లజ్జింపక లోకబాహ్యుఁడగుచున్ భావంబులో నవ్వుచున్ ఘనతత్పాదకృతానురాగుఁడగుచున్ గాంతారదేశంబులం దునె వర్తించును వెఱ్ఱివానిక్రియఁ దుల్యోత్సాహసంపన్నుఁడై.

⁠ 61

వ.⁠

మఱియు నాకాశంబును వాయువును నగ్నిసలిలంబులను ధర ణిని తేజంబును దేశంబులను మహీరుహంబులను నదులను సముద్రంబు లను నారాయణశరీరంబుగా విచారించి భేదంబు సేయని ప్రసన్ను నికి భుజియించెడివానికి నొక్కకాలంబునం దతుష్టియు, క్షుధా పాయంబునునైన చందంబున భక్తియుఁ బరేశానుభవంబు నన్యత్ర విరక్తియుం గలుగు; నిట్లచ్యుతాంఘ్రిసేవాపరుండై భాగవతుండు సాక్షాత్కారంబునంద వసియించు నని వారి భక్తిప్రకారంబు చెప్పిన విని విదేహుం డిట్లనియె.

⁠ 62

ఆ.⁠

వరుసతోడ భాగవతధర్మ మెద్ది చ ర్చింప భాగవతుల చిహ్న లెవ్వి అతఁడ యేమి పలుకు నాచరించునొ యెద్ది చెలఁగి యెట్టికథలు చెప్పవలయు.

⁠ 63

వ.⁠

ఇట్లు విదేహుం డడిగిన నందు హరియను మహాత్ముం డిట్లనియె.

⁠ 64

సీ.⁠

సర్వభూతములందు సర్వేశుభావంబు         సర్వేశునందును సర్వభూత భావంబు నొనరించుఁ బరమభాగవతుండు         ఉత్తమోత్తముఁడన నుర్వి వెలయు పరమేశ తదధీన బాలిశరిపులందు         ప్రేమమైత్రియు గృపాపేక్ష లొసఁగు నతఁడు మధ్యముఁడగు నర్చావతార స         ద్భక్తిసంయుక్తుండు ప్రాకృతుండు

⁠