పుట:భాగవతము - ఏకాదశస్కంధము (హరిభట్టు).pdf/14

14

భాగవతము

⁠

నప్రమాదములై నట్టి యాయుపాయ ముల మనుష్యుండు తానొంది మురువుతోడ బరగు బ్రహ్మాదిసన్నుతంబగుచు మీఁద నుజ్వలంబగు విష్ణుసాయుజ్యమునకు.

⁠ 57

గీ.⁠

నయనములు మూసికొని చక్కనైనత్రోవ బరువువెట్టుచు నటఁ దొట్రుపాటు లేక చనెడి మనుజునిమాడ్కి నిశ్చలయథార్థ భక్తిచేఁ బొందు సులభంబు పరమపదము.

⁠ 58

క.⁠

పరువడిఁ గాయవచోహృ త్సరసేంద్రియబుద్ధిభావసంఘముచేతన్ నరుఁ డేమి చేసె భక్తిని హరి కర్పణ సేయవలయు నాకర్మములన్.

⁠ 59

సీ.⁠

ఈశాదిజేత యయినవానికి ద్వితీ         యాభినివేశాన నధికభయము దోఁచినఁ దన్మాయతోడ సంకలితుఁడై         స్మృతివిపర్యయములఁ జెందుచుండు నదిగాన గురుదేవతాత్ముఁడై బుధుఁడు శ్రీ         విభు నేకభక్తి సేవింపవలయు స్వప్నమనోరథచ్ఛాయ నీశుఁడ విద్య         మానుఁడై తోఁచును మనమునందు సర్వసంకల్పనాశకచలనహేతు వైనదాని నరుఁడు కుదియంగఁ దిగిచి సంతతధ్యాన మేప్రొద్దు జరిపెనేని కలుగు నతనికి ముక్తి విఖ్యాతముగను.

⁠ 60