పుట:భాగవతము - ఏకాదశస్కంధము (హరిభట్టు).pdf/11

ఏకాదశస్కంధము

11

⁠

విశ్వపావనములై వినినఁ బఠించిన         నాదరించినఁ జిత్తమందు నిలుప సద్ధర్మచయము విశ్వద్రోహినైనను         బావనుఁజేయు విభ్రాజమాన పరమకళ్యాణుఁ డైనట్టి పరమపురుషుఁ డాదిదేవుఁడు భగవంతుఁడైన విష్ణు మనములోపలఁ బరితోష మినుమడింప స్మారితుండయ్యె నీచేత సత్యవినుత.

⁠ 47

వ.⁠

అది గావున విష్ణుభక్తిజనకంబై ముక్తిపదప్రాప్తికరం బగు నార్షభవిదేహసంవాదంబు నాఁబరగు నొక్కపురాతనంబగు కథా వృత్తాంతం బెఱింగించెద నాకర్ణింపుము.

⁠ 48

సీ.⁠

వినుము స్వాయంభవుండను మనువునకు         రమణ నుదయించెనట ప్రియవ్రతుఁ డనంగ ..................................         .................................. ..................................         ................................. ..............................         .............................. ................................ ................................ తనయుఁ డాతని కాగ్నీధ్రుఁడను సుతుండు జాతుఁడయ్యెను భువనవిఖ్యాతుఁ డగుచు.

⁠ 49

క.⁠

ఆగ్నీధ్రునకు న్నాభను ప్రాజ్ఞుండగు సుతుఁడు పుట్టి బలిమిం ద్రిజగం బాజ్ఞాసిద్ధిగ నేలుచు సౌజ్ఞామాత్రంబు చేసె సకలాహితులన్.

⁠ 50