పుట:భాగవతము - ఏకాదశస్కంధము (హరిభట్టు).pdf/1

శ్రీ
భాగవతము
హరిభట్టారకప్రణీతము

ఏకాదశస్కంధము

శా.⁠

శ్రీ రాజత్కుచకుంభ యుగ్మ నిహిత శ్రీగంధ సంవాసితో దార స్వీయభుజాంతరాళ విచలద్రత్నప్రభారంజితున్ కారుణ్యైక నివాసు వాసవపయోనాథాదిసంసేవితున్ గారావంబున సన్నుతింతుఁ ద్రిజగత్కళ్యాణమూర్తిన్ హరిన్.

⁠ 1

క.⁠

మనమున రఘునాయక పద వనరుహ యుగళంబు దలఁచి వైభవలీలన్ దినదినము హర్ష మందెడి హనుమంతుని సన్నుతింతు ననురాగమునన్.

⁠ 2

సీ.⁠

గురుతరమాణిక్య కుండలద్వయదీప్తి         మండితగండ యుగ్మంబు వాని బాలభానుప్రభా భాసుర సంరక్త         సలలిత వక్త్రాంబుజంబువాని కాంచనశైల సంకాశదేహమున య         జ్ఞోపవీతంబు చెన్నొందువాని కౌపీనమేఖలా కలితకటిస్థల         స్థాపితపుష్పగుచ్ఛములవాని వాలరోమాగ్ర నిర్బిన్న వారివాహ సంఘనిష్ఠుర నిర్దోష చలితభువన నిర్జితేంద్రాది సన్నుత నిజచరిత్రు బాహుబలవంతు హనుమంతుఁ బ్రస్తుతింతు.

⁠ 3