క్చేలాలంకృత! నీదు నామ మరయన్ శ్రీకాళహస్తీశ్వరా!97
మ. పదివేలైనను లోకకంటకులచేఁ బ్రాపించు సౌఖ్యంబు నా
మదికిం బథ్యముగాదు సర్వమునకున్ మధ్యస్థుఁడై సత్యదా
న దయాదుల్గల రాజు నా కొసఁగు మెన్నన్వాని నీయట్ల చూ
చి దినంబున్ముద మొందుదుం గడపటన్ శ్రీకాళహస్తీశ్వరా!98
శా. తాతల్ తల్లియుఁ దండ్రియున్ మఱియు బెద్దల్చావగాఁ జూడరో
భీతింబొందఁగనేల చావునకుఁగాఁ బెండ్లాము బిడ్డల్హిత
వ్రాతంబున్బలవింప జంతువులకు న్వాలాయమై యుండఁగాఁ
జేతోవీధి నరుండు నిన్గొలువఁడో శ్రీకాళహస్తీశ్వరా!99
శా. జాతుల్సెప్పుట సేవసేయుట మృషల్ సంధించు టన్యాయవి
ఖ్యాతింబొందుట కొండెకాడవుట హింసారంభకుండౌట మి
థ్యాతాత్పర్యము లాడుటన్నియుఁ బరద్రవ్యంబు నాశించి యీ
శ్రీ తానెన్నియుగంబు లుండఁగలదో శ్రీకాళహస్తీశ్వరా!100
మ. చెడుగుల్ కొందఱు కూడి చేయఁగఁ బనుల్ చీకట్లు దూఱంగఁ బా
ల్పడితింగాని చరింపరాని నిను నొల్లంజాలుఁ బొమ్మంచు ని
ల్వెడలం ద్రోచినఁజూరువట్టుకొని నే వ్రేలాడుదుం గోర్కిఁగో
రెడి యర్థంబులు నాకు వే గలుగవో శ్రీకాళహస్తీశ్వరా!101
పుట:భక్తిరసశతకసంపుటము 3.pdf/67
ఈ పుట అచ్చుదిద్దబడ్డది