తియకా యెప్పటికిం దళం బశనబుద్ధిం జూడనేలబ్బు స
త్క్రియలన్నిన్ను భజింప కిష్టసుఖముల్ శ్రీకాళహస్తీశ్వరా!93
శా. ఆరావంబుదయించెఁ దారకముగా నాత్మాభ్రవీధిన్మహా
కారోకారమకార యుక్తమగునోంకారాభిధానంబు చె
న్నారు న్విశ్వమనంగఁ దన్మహిమచే నా నాదబిందుల్సుఖ
శ్రీ రంజిల్లఁగడంగు నీవదె సుమీ శ్రీకాళహస్తీశ్వరా!94
శా. నీ భక్తుల్పదివేల భంగుల నినున్సేవింపుచున్ వేఁడఁగా
లోభంబేఁటికి వారి కోర్కులు కృపాళుత్వంబుఁనం దీర్పరా
దా భవ్యంబు దలంచిచూడు పరమార్థంబిచ్చి పొమ్మన్న నీ
శ్రీ భాండారములోఁ గొఱంతపడునా శ్రీకాళహస్తీశ్వరా!95
మ. మొదలన్భక్తులకిచ్చినాఁడవు గదా మోక్షంబు నేఁడేమయా
ముదియంగా ముదియంగఁబుట్టె ఘనమౌ మోహంబు లోభంబున
న్నది సత్యంబు కృపందలంప వొక పుణ్యాత్ముండు నిన్నాత్మ గొ
ల్చి దినంబున్మొఱవెట్టఁగా గటకటా! శ్రీకాళహస్తీశ్వరా!96
శా. కాలద్వార కవాటబంధనము దుష్కాల ప్రమాణక్రియా
లీలాజాలక చిత్రగుప్త ముఖవల్మీకోగ్ర జిహ్వాద్భుత
వ్యాళ వ్యాళవిరోధి మృత్యుముఖదంష్ట్రాహార్య వజ్రంబు ది
పుట:భక్తిరసశతకసంపుటము 3.pdf/66
ఈ పుట అచ్చుదిద్దబడ్డది