కెన్నండబ్బెడు నెంతకాలమిఁక నేనిట్లున్న నేమయ్యెడిం
జిన్నంబుచ్చక నన్ను నేలుకొనవే శ్రీకాళహస్తీశ్వరా!33
శా. చావంకాలము చేరువౌటెఱిఁగియుం జాలింపఁగా లేక త
న్నేవైద్యుండు చికిత్సఁబ్రోవగలఁడో? యేమందు రక్షించునో?
యే వేల్పుల్కృపఁజూతురో?యనుచు నిన్నింతైనఁ జింతింపఁడా
జీవచ్ఛ్రాద్ధముఁజేసికొన్న యతియున్ శ్రీకాళహస్తీశ్వరా!34
మ. దినముంజిత్తములో సువర్ణముఖరీతీరప్రదేశామ్ర కా
ననమధ్యోపల వేదికాగ్రమున నానందంబునం బంకజా
సననిష్ఠన్నినుఁ జూడఁగన్న నదివో సౌఖ్యంబు లక్ష్మీవిలా
సిని మాయానటనల్ సుఖంబులగునే శ్రీకాళహస్తీశ్వరా!35
శా. ఆలంచున్మెడఁగట్టి దానికి నపత్యశ్రేణి గల్పించి త
ద్బాల వ్రాతము నిచ్చిపుచ్చుకొను సంబంధంబుగావించి యా
మాలర్కంబున బాంధవంబనెడి ప్రేమం గొందఱం ద్రిప్పఁగా
సీలన్సీల యమర్పినట్లొసంగితో శ్రీకాళహస్తీశ్వరా!36
మ. తనువే నిత్యముగానొనర్చు మది లేదా, చచ్చి జన్మింపకుం
డ నుపాయంబు ఘటింపు, మీ గతుల రెంటన్నేర్పు లేకున్న లే
దని నాకిప్పుడెచెప్పు; చేయఁగల కార్యంబున్న సంసేవఁజే
సి నినుంగాంచెదఁగాక కాలముననో శ్రీకాళహస్తీశ్వరా!37
పుట:భక్తిరసశతకసంపుటము 3.pdf/52
ఈ పుట అచ్చుదిద్దబడ్డది