ఈ పుట ఆమోదించబడ్డది
86
బ్రహ్మోత్తరఖండము
| వ. | మఱియు నమ్మహీనాథుండు నిజమంత్రిపురోహితసామంత | |
- ↑ నహోరాత్రంబు లనన్యమానసుండయి శివారాధనానందభరితుండయి
యుండు నట్టి సమయంబున.
క. ఆపురిఁ గాఁపురముండిన, గోపవధూవిధవ యొకతె గొడుకును మేధా
టోపునిఁ బంచాబ్దంబుల, పాపని దయ నెత్తికొనుచుఁ బ్రముదితమతియై.
వ. అమ్మహాదేవుదేవాలయంబులోపలికిం జని యం దొక్కచోట.
తే. నిలిచి యాదేవదేవుని నీలకంఠు, భక్తవత్సలుఁ బార్వతీప్రాణనాథు
శ్రీమహాకాళదేవునిఁ జేరి భక్తిఁ, బూజ కావించుధాత్రీశుఁ బొంచి చూచి.
వ. అప్పు డవ్వల్లవపల్లవాధరి మఱియు నారాజమూర్ధన్యుండు ధన్యుండయి
యద్దరాధరధనుర్ధరు నీశ్వరు వివిధోపాయంబుఁల ధ్యానంబున నారాధనంబు
సేయు తద్విధానంబు సర్వంబునుం గనుంగొని మనంబున బెనంగొను
సంతసంబున నచ్చటిముక్కంటికి మ్రొక్కి యక్కొడుకుం దానును
నిజశిబిరంబునకుం జనుదెంచి యుండునంత.
క. ఆగోపస్త్రీసుతుఁ డను, రాగంబున భక్తితోడ రాజేంద్రుఁడు త
ద్భోగివిభూషణుపూజలు, బాగుగఁ జేయుటలు చూచి భావములోనన్.
క. పలుమఱుఁ దద్విధమంతయుఁ, దలఁచుచు నబ్బాలకుండు దాత్పర్యమునం
బలుపుగఁ బువ్వులు బత్రియుఁ, జెలువుగ నవియెల్లఁ దెచ్చి శివుఁ బూజింపన్.
వ. ఇట్లు తనకు మనోహరంబు లయినపత్రపుష్పంబులు దెచ్చుకొని భుక్తి
ముక్తిప్రదాయకం బగుశివపూజ సేయ నుద్యోగించి.
ఆ. తడయ కపుడు వాఁడు దనయింటిచేరువ, నున్నపాడుగుడిసె నూడ్చి యలికి
యందులోన హృద్య మగునొకశిలఁ, దెచ్చి దివ్యలింగముగఁ బ్రతిష్ఠచేసి.
ఆ. అపుడు వేడ్కతోడ నభిషేక మొనరించి, వస్త్రభూషణములు వరుస గంధ
మక్షతలు నొసంగినట్టివాఁడై పత్ర, పుష్పములను బొసఁగఁ బూజసేసి.
వ. ధూపధీపనైవేద్యతాంబూలాదు లాత్మఁ గల్పించి సమర్పించినవాఁడయి
యప్పుడు.
