పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/91

84

బ్రహ్మోత్తరఖండము

ఉత్సాహ.⁠

చంద్రశేఖరోల్లసత్ప్రసాదలబ్ధరాజ్యుఁడై చంద్రసోదరీకటాక్షజాతభోగబాగ్యుఁడై చంద్రచంద్రికాపటీరసౌమ్యకీర్తిసాంద్రుఁడై చంద్రసేనుఁ డుర్వి యేలె సమ్మదంబు వర్ధిలన్.

⁠ 184

ఉ.⁠

సాంద్రయశోవిశాలుఁడును సత్యవిరాజితభారతీహరి శ్చంద్రుండు కార్తికేయనిభశౌర్యుఁడు మందరతుల్యధైర్యని స్తంద్రుఁడు నైనయానృపతిసత్తమువైభవ మేమి చెప్ప య క్షేంద్రమహేంద్రసంపదల కెక్కుడునై విలసిల్లు నెంతయున్.

⁠ 185

తే.⁠

ఇవ్విధంబున సామ్రాజ్య మేలుచుండ దేవలబ్ధానుభవ మని తెలియలేక నతనివిభవంబు సర్వంబు నపహరింత మని తలంచిరి యన్యదేశాధిపతులు.

⁠ 186

శా.⁠

సౌరాష్ట్రాంగకళింగవంగకురుపాంచాలాంధ్రగాంధారసౌ వీరావంతికరూశకేకయశకాభీరాదిభూపాలకు ల్వీరాగ్రేసరు లొక్కమొత్తమున పృథ్వీభాగ మల్లాడఁగాఁ దా రేతెంచిరి చంద్రసేనవిజయార్థం బుద్ధతాటోపులై.

⁠ 187

చ.⁠

ధరణితలంబు గ్రక్కదలఁ దారలు డుల్లఁ జమూపరాగ మం బరమణి గప్ప భూమిధరపఙ్క్తి చలింప దిశామతంగ జోత్కరములు మ్రొగ్గ నప్పుడు గదాముసలక్షురికాసికాధను శ్శరధరులై తదీయు లగుసైన్యపతు ల్చనుదెంచి రుద్ధతిన్.

⁠ 188

వ.⁠

ఇట్లు వచ్చి.

⁠ 189

క.⁠

కట్టల్క నమ్మహీశులు ముట్టడి గావింత మొక్కమొగి నుజ్జయినీ

⁠