ఇవ్విధంబున నాకాంత గొంతకాలం బాశూద్రనాయకుం
గూడి యథేచ్ఛావిహారంబుల వర్తించి కాలవశంబునఁ
గృతాంతుపురంబునకుం జనిన సమవర్తియు దానిదుష్కృతం
బులు చిత్రగుప్తువలన నెఱింగి దుర్గతిఁ ద్రోయించిన నదియును
కాలసూత్రాసిపత్రదారుయంత్రతప్తపాషాణశూలారోహణ
వైతరణీకుంభీపాకమహారౌరవాదిఘోరనరకంబు లనుభవించి
దండధరుశాసనంబునఁ గ్రమ్మర మర్త్యలోకంబునందుఁ జం
డాలయోనిం బుట్టి జాత్యంధయుఁ గుష్ఠరుజాక్రాంతయుఁ
గ్రిమిసంకులవ్రణయును బంధువిహీనయు క్షుత్పిపాసాతు
రయు నుచ్ఛిష్టాన్నభోక్త్రియునై భిక్షాటనంబు సేయుచు
సంచరింపుచుండె నని యా చండాలి పూర్వజన్మవృత్తాం
తంబుఁ జెప్పిన విని యాశ్చర్యంబు నొంది యాశివకింకరులం
జూచి యే నిట్లంటి.
