పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/69

ఈ పుట ఆమోదించబడ్డది

62

బ్రహ్మోత్తరఖండము


వ.

వారలు విభూతిరుద్రాక్షమాలికాధారులును మణిమండల
బ్రాజితగండభాగులును ద్రిశూలఖట్వాంగధారణులును
దివ్యతేజోవిరాజమానులు నై చనుదెంచుచున్నసమ
యంబున.

76


క.

పొంకంబుగ నే నచట ని
రంకుశగతి వచ్చువారి నమలాత్మకులన్
బంకజబాంధవతేజుల
శంకరకింకరులఁ గంటి జగతీనాథా.

77


క.

కని భయభక్తులు వినయం
బును దోపఁగ వారిఁ జూచి పుష్పకధరు లై
చనుదెంచిన మీ రెవ్వరు
చనియెద రెచ్చటికి ననిన సమ్మతి దనరన్.

78


క.

గగనమున నుండి తమనె
మ్మొగమునఁ జిరునవ్వు లొప్ప మోదముతోడన్
నగజారమణునికింకరు
లొగి నిట్లని పలికి రతిమృదూక్తులు వెలయన్.

79


ఉ.

ఇంతకు మున్ను మీరు తగ నిచ్చట నుండఁగ నేఁగినట్టియా
యంత్యజురాలిఁ దెమ్మనుచు నాజ్ఞయిడెం బరమేశ్వరుండును
స్వాంతుఁడు భక్తరక్షకుఁడు సారకృపాబలరాశి గావునన్
సంతస మొప్ప దానిఁ గొని సన్నిధి కేఁగెదమయ్య క్రమ్మఱన్.

80


క.

అని యీవిధమునఁ జెప్పిన
ఘనతరరుద్రాక్షమాలికాధారకులన్
మనసిజహరకింకరులం
గని నే నిట్లంటి వెరపుగలిగినమదితోన్.

81