పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/65

58

బ్రహ్మోత్తరఖండము

ఉ.⁠

సంగరభీమ నీమదిని సంశయమందక యాశ్రయింపు స త్సంగము భూషణీకృతభుజంగము దేహకళాజితాభ్రమా తంగము భక్తపుష్కరపతంగము హుంకృతిమాత్రనిర్జితా సంగము పాపభంగము మహాబలనామకదివ్యలింగమున్.

⁠ 58

వ.⁠

అని చెప్పి మఱియు నమ్మునీంద్రుండు రాజున కి ట్లనియె.

⁠ 59

సీ.⁠

కోసలేశ్వర విను గోకర్ణముననుండి           యరుగుదెంచితి నిప్పు డతిముదమున నాస్థలంబున నొక యాశ్చర్య మైనట్టి           చరితంబుఁ గంటి నీశ్వరకృతంబు తథ్యంబుగాఁగ నంతయు నీకుఁ జెప్పెద           నాలకింపుము చిత్త మలరుచుండి మాఖమాసమున నిర్మల కృష్ణపక్షచ          తుర్దశియందు సంతోషమొదవ

⁠

తే.⁠

నమ్మహాబలదేవోత్సవమును జూడ సకలదేశంబులందుండి జతలుగూడి సద్విజక్షత్రియాదికసర్వజనులు చేరఁ జనుదెంచి రచటికి శీఘ్రమతిని.

⁠ 60

శా.⁠

సౌరాష్ట్రాంగకళింగవంగశకపాంచాలాంధ్రకర్ణాటకా శ్మీరద్రావిడచోళపాండ్యకురుకాశీదేశభూపాలకుల్ భేరీధంధణధంధణార్భటులు శోభిల్లంగ నచ్చోటికిం జేరన్వచ్చిరి డోలికాద్విరదవాజిస్యందనారూఢు లై.

⁠ 61

శా.⁠

శాండిల్యాత్రిమరీచిగౌతమవసిష్ఠవ్యాసకాత్యాయను ల్మాండవ్యాసితకణ్వకుత్సశుకరామాగస్త్యదూర్వాసులున్

⁠