పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/63

56

బ్రహ్మోత్తరఖండము

⁠

సిద్ధవిద్యాధరగరుడోరగభూతభేతాళయక్షరాక్షసులును జంద్రసూర్యవిద్యుత్ప్రతీకాశంబు లైనవిమానంబు లెక్కి యావృషభధ్వజుముందట నాడుచుఁ బాడుచు జయజయ శబ్దంబులతో స్తోత్రంబు లాచరింపుచు యథేష్టభోగంబు లను భవింపుచు నిత్యానందంబున సుఖంబుందు రని చెప్పి యగ్గౌ తమమహామునీంద్రుండు వెండియు నారాజున కిట్లనియె.

⁠ 47

ఉ.⁠

అంబుజగర్భుఁ గూర్చి తపమందినవేళ మహాబలాఖ్యలిం గం బతిభక్తి నిల్పి దశకంఠుండు పూజ యొనర్చె నట్ల హే రంబకుమారకేశవపురందరమన్మథభద్రకాళికా బ్జాంబుజసంభవాదులు నిజాహ్వయలింగము లుంచి రచ్చటన్.

⁠ 48

క.⁠

ఫణిపద్మేలాపుత్త్రక మణినాగానంతశింశుమారాది మహా ఫణిరాజులు ఫణివైరియు ఫణిభూషణు నిలిపి రచట బహులింగములన్.

⁠ 49

క.⁠

తొల్లి యగస్త్యమహాముని సల్లలితం బయినతపము సలుపుచు గౌరీ వల్లభుని భక్తివలనను ముల్లోకంబులు నుతింప ముదమందె నృపా.

⁠ 50

క.⁠

కాకుత్స్థ యేమిచెప్పుదు గోకర్ణమునందుఁ గోటికోటులు లింగా నీకంబులు గల వన్నియు శ్రీకంఠమయంబు లగుట సిద్ధము సుమ్మీ.

⁠ 51