పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/50

ప్రథమాశ్వాసము

43

తే.⁠

మహితవర్ణాశ్రమాచారమార్గములను దప్పకుండఁగ ధారుణీతలమునందు బ్రజలఁ బాలింపుచును నిజరాజ్య మేలె ధర్మచరితుండు దాశార్హధరణివిభుఁడు.

⁠ 112

క.⁠

బ్రహ్మవిచారము దేవ బ్రాహ్మణభక్తియును గల్గి పార్థివుఁ డుర్విన్ బ్రహ్మోత్తరముగ నేలెను బ్రహ్మాపత్యాదిమునులు ప్రస్తుతిసేయన్.

⁠ 113

చ.⁠

ప్రతిదివసంబు శంకరజపవ్రతమంత్రపరాయణత్వస మ్మతియును గల్గి భర్తయెడ మజ్జనభోజనపానతల్పస త్కృతుల ముదంబొనర్చుచును దియ్యనిమాటల నాదరింపుచున్ జతురత నాకళావతియు సమ్మదమొప్ప మెలంగె నత్తఱిన్.

⁠ 114

తే.⁠

తాను గురుసేవఁ జేసి కృతార్థయయ్యెఁ దనమనోవల్లభునిఁ బుణ్యతమునిఁ జేసె నుభయవంశంబులను దోన యుద్ధరించె నాకళావతిసాటి యెందైనఁ గలదె?

⁠ 115

శా.⁠

శ్రీమంతంబు శివస్వరూపమును దూరీభూతతాపత్రయం బామోదప్రద మార్యసమ్మతము తత్త్వార్థప్రదీపంబు శ్రీ రామాగస్త్యమహర్షిలోకభజనార్హం బైనపంచాక్షర శ్రీమంత్రంబు నమశ్శివాయ యనుచున్ జింతింపుఁ డశ్రాంతమున్.

⁠ 116