పుట:బ్రహ్మోత్తరఖండము (శ్రీధరమల్లె వేంకటరామార్యుఁడు).pdf/49

42

బ్రహ్మోత్తరఖండము

చ.⁠

తెలతెల నయ్యెఁ దూర్పు నలుదిక్కుల సంతమసంబు విచ్చెఁ జెం గలువలు మోడ్చెఁ దమ్ములు వికాసతఁ జెందెఁ బదాయుధధ్వను ల్నలువుగఁ బిక్కటిల్లె గగనంబునఁ జుక్కలు మాసె శీతలా నిలములు వీచె జక్కవలు నెమ్మది నుండె నహర్ముఖంబునన్.

⁠ 108

తే.⁠

సకలదేవర్షిసంఘప్రశస్యమాన దివ్యతేజంబు వెలుఁగ మందేహదనుజ సముదితాటోపహృత్సుదర్శన మనంగ నుదయశైలంబుపైఁ దోఁచె నుష్ణకరుఁడు.

⁠ 109

వ.⁠

అయ్యవసరంబున.

⁠ 110

చ.⁠

శివపదపద్మచింతనముఁ జేయుచు మాగధవందిపాఠక స్తవములఁ దూర్యఘోషముల సామజబృంహిత వాజిహేషికా రవముల మేలుకాంచిరి దరస్మితవక్త్రము లొప్ప మేదినీ ధవుఁడుఁ దదీయపత్నియును దత్పరివారము నుల్లసిల్లఁగన్.

⁠ 111

సీ.⁠

నిద్దురమేల్కాంచి నిర్మలచిత్తుఁ డై          మహనీయవిధ్యుక్తమార్గమునను స్నానసంధ్యాద్యనుష్ఠానజపంబులుఁ          గమలబాంధవనమస్కారములును బంచాక్షరీమంత్రపఠనంబు లాదిగాఁ          గలిగినసత్కర్మముల నొనర్చి భూసురాతిథిదేవపూజలు గావించి          మృష్టాన్నపానసంతృప్తుఁ డగుచు

⁠